«Əli və Nino» təməli 2005-ci ildə qoyulmuş aktiv inkişaf edən kitab satışı şəbəkəsidir. «Əli və Nino» mağazalarında kitabsevərlərin nəzərinə 40 mindən çox sayda klassik, müasir Azərbaycan, türk, xarici və rus ədəbiyyatının inciləri, həmçinin uşaq ədəbiyyatı, dərslik və peşə-ixtisas nəşrləri, nəfis rəssamlıq albomları və bir sıra xarici dillərdə müxtəlif kitablar təqdim olunur. Eyni zamanda mağazmızda evdarlıq və əyləncə mövzularında da çoxlu sayda kitablarımız, bələdçi kitabları, dəftərxana malları, pazllar, uşaqlar üçün inkişafedici oyunlar, əlfəcinlər və s. bu kimi mallar da vardır. «Əli və Nino» durmadan inkişaf etməsi və sevimli müştərilərinə yüksək səviyyəli xidmət göstərməsi üçün daim nəhəng Azərbaycan, Türkiyə, Rusiya və Qərb nəşriyyatları ilə əməkdaşlıq edir. «Əli və Nino» dükanlarında və Bookcafe-lərində tez-tez ədəbiyyat axşamları, konsertlər, tanınmış simalarla görüşlər keçirilir. Sizlər də təqdimat mərasimi, yaxud da kiçik bir seminar təşkil etmək istəyirsinizsə, bizə müraciət edin.